Hervormde Gemeente Westerbroek

Introïtuspsalm 33: 1,2 

Votum 

LvdK Gezang 217: 1,2 

Wetslezing 

Psalm 119: 47 

Gebed 

Lezing 1 Petrus 1:13-25(NBV) 

LvdK Gezang 330:1,3 

Preek 

LvdK Gezang 344: 1,2,3,4 

Dankgebed en voorbeden 

Slotlied LvdK gezang 344:5 

Zegenbede 

=======================================================

Twijde zundag van Poask 24sten pril 2022 19.00 Westerbrouk

Veurganger: domie Klaas G. Pieterman
Liturg: olderling Klaas de Vries
Örgelist: Cor Schoonbeek

Ienlaaidend örgelspul en Klokluden

Welkom en nijs van Kerkenroad

Ientochtslaid Ps 81

1. Zing veur God, ons kracht,

Jakobs goud mout t heuren!

Speul oet ale macht,

citer, haarp en trom,

hoornmeziek rondom,

t moanfeest zel gebeuren.

2. t Is t verhoal van t volk,

deur God zulf onnaaierd.

Jozef het t vertolkt,

dou God veur heur stree,

heur verlözzen dee,

toal van Hom regaaiert:

3. “Last neem Ik die òf,

huifst doe nait meer droagen.

Kwamst doar op mie òf,

dou heb Ik die red

en ien roemte zet,

om t mit Mie te woagen.

6 Ik, joen God en Heer,

wil der veur joe wezen.

Oet Egypte heer,

t laand van sloavernij,

mouk Ik joe ja vrij,

om joe zat te geven.

Votum en Groutnis

Begunlaid

LvdK 221 / Ps&Gez 141

1 Halleluja, mooiste dag van doagen,

bliede zundag, poaskedag,

bie joen licht is dood zien macht versloagen

en verswiendt zien riek opslag!

Here Jezus, trooster van ons leven,

wil joen zunschien ien ons haarten geven,

loat ons veuròf t haail al zain

dat ons wacht deur Joe allain.

2 Op joen woord, o Heer van dood en leven,

stoan wie op oet ons ellèn!

Deur joen gaist wordt zundemacht verdreven,

kommen wie vannijs ien t èn.

Leer ons ale doagen mit Joe staarven,

dat wie deur joen kruusdood t levent aarven,

en vernijd ien ons bestoan

achter Joe noar hemel goan!

3 Vaaileg bin wie onder joen beschaarmen,

as wie hèngoan op joen tied,

den volgt t nije levent op ons staarven

en is dood veurgoud aan zied.

As wie deur t geloof ien Jezus leven,

zel ons t aiweg vree en bliedschop geven!

t Aiweg levent is ja wis,

omdat Hai ons levent is!

Psalmengebed

Smeekgebed veur nood van wereld

L: Psaalm 138, 1- 2a

Ps 138: 2

Om wille van joen eer en noam,

heb Ie nou doan / aal wat Ie zeden.

Ie mouken het wel goud mit mie,

deur aal wat Ie / doar veur mie deden.

Dou k om Joe raip heb Ie opslag,

nog zulfde dag, / mie antwoord geven.

Ik kreeg dou oet joen overvloud,

weer nije moud / en kracht veur t leven.

L: Psaalm 138, 4- 6

Ps 138: 4

Of kom ik ook nog zo ien t naauw,

toch holdt joen traauw / mie wel ien t leven.

En as van hoat mien vijand braandt,

joen rechterhaand / zel oetkomst geven.

De Here moakt het veur mie kloar

en ik kom doar– / deur goud te lande.

Joen goudhaid geldt ien aiweghaid,

vergeet toch nait / t waark van joen handen.

Rondom t Woord

Zundagsgebed

Biebellezen Psaalm 16

Ps 16

1 Bewoar mie, God, ik schoel bie Joe allain;

k nuim Joe mien Heer, loat mie joen knecht den wezen,

want boeten Joe verlang ik noar gainain.

Ik vuil mie thoes bie mensken, dij Joe vrezen.

t Lopt mis mit heur, dij aander goden dainen;

doar loat ik mie ien gain gevaal veur lainen.

2 O Heer, mien God, mien aarfdail en mien goud,

mien beker tot aan raand tou vol mit zegen,

Ie geven mie vannijs weer overvloud,

aal wat ik heb, dat heb ik van Joe kregen:

goud laand is rij en riekelk deur Joe geven,

t is dag en deur mie mooi tou doar te leven!

3 Ik pries de Heer, Hai het mien haart verlicht,

bie dag en naacht wil Hai mien roadsman wezen.

k Vertraauw op Hom en hol Hom goud ien t zicht,

Hai holdt mie vaast, woar zol ik baang veur wezen?

Ik bin zo blied, ik mag op Hom vertraauwen,

mien haart dij zingt, ik mag ja op Hom baauwen.

4 De Here geft mie nait ien macht van dood,

Aan t dodenriek wor ik nait overgeven,

gain graf wordt groaven veur joen gunstgenoot:

Ie leren mie te goan op t pad noar t leven.

k Mag deurhèn blied veur joen gezicht verkeren!

Wat zol ik meer nog oet joen haand begeren?

Overwegen

LB 655 / Ps&Gez 145

1 Zing veur de Heer joen nij gezang!

Hai let joe drinken levenslang

van wotter oet de haarde stain.

Wèl is zo maans as Hai allain?

2 Hai gaait joe veur ien wolk en vuur,

geft aan joen levent rust en duur,

een geef bestoan mit daibe zin.

Zet doarom t loflaid veur Hom in!

3 Zing om joen wonderwel bestoan,

nait ien t vergeetbouk staait joen noam,

oet t wotter heer kom ie veurndag,

verbie is dood, verbie is nacht.

4 Gods haand let ons ien taikens zain

dat t gaait om recht en vree allain.

Zien aigen Gaist zet ons ien schrip

dat elk van ons dij taikens zigt.

5 Hai, dij noar t haaileg laand ons laaidt,

geft levent tot ien aiweghaid,

komt Hai weerom, den zing wie weer

ons nije laid veur God de Heer.

Geloofsbeliedenis

Apostolische geloofsbeliedenis

Ik loof ien God, aalmachtege Voader,

Schepper van hemel en eerde,

en ien Jezus Christus, zien ainegste Zeun, ons Heer,

dij deur haailege Geest verwekt

en oet moagd Maria geboren is,

dij leden het onder Pontius Piloates,

kruzegd is, sturven en be­groaven,

deelvoaren noar t dodenriek

en op daarde dag doarvandoan weer opstoan is,

opstegen noar hemel,

doar hai zit aan rechterhaand van God, aal­machtege Voader,

doar hai heerkommen zel

om leventegen en doden te oordailen.

Ik loof ien haailege Geest,

ik loof n haailege, aalgemaine, christelke kerk,

gemainschop van haailegen,

vergeven van zunden,

opstanden van t liggoam

en n aiweg levent.

LvdK 292 / Ps&Gez 185

1 Woar God hèn wil mit zien wegen

is ien t duustern stoer te zain;

wie vertraauwen op zien zegen,

dat Hai t eerlieks mit ons maint.

Hou Hai t doun zel, blift verburgen,

woar t noar tou gaait, wait wie wis

deur wat zien profeten zeggen

en ien biebel schreven is.

2 Wat krieg wie aan t èn van tieden

vol verwondern blied ien t zicht,

gaist van t kwoade vragt genoade,

soatan dij nou onderligt.

As de Heer ien ale mensken

en veur mensken ales is,

zel zien licht veur aaltied wezen,

licht oet licht en duusternis.

Gebeden en Goaven

Gebeden daankgebed

veurbeden

stil gebed

Onze Voader

Voader van ons dij ien hemel is,

Loat joen Noam haailegd worden,

Loat joen keunenkriek komen,

Loat joen wil doan worden

ien wereld net zo as ien hemel.

Geef ons vandoag t brood

doar wie verlet om hebben.

En vergeef ons ons zunden

zo as ook wie vergeven dij ons te kort doun.

En breng ons nait ien verlaaiden,

mor verlös ons van de boze.

Joenent is ja t keunenkriek

en kracht en heerlekhaid

ien der aiweghaid. Oamen.

Buul gait rond:

Slötlaid LB 755 / Ps&Gez 189

1 Wat winnen zel is Gods genoade,

genoa dij duust’re naacht verdrift.

De Heer brekt ale macht van t kwoade,

Hai is veur kruus en dood nait swicht.

Dij dag stroalt God zien licht rondom,

verheerlekt stoan wie den veur Hom.

2 Wat zel mie dat een bliedschop wezen,

as ieder volk Hom daint en eert;

as ale lu de Here vrezen

en ieder t nije loflaid leert.

Boeg joe den veur de Heer ien t stof,

pries Hom, o volken, zing zien lof.

Zenden en Zegen

Dainst is noa te luusteren op hervormdwesterbroek.nl

========================================================

Zondag 24 april  2022

Voorganger: ds J.M. Viergever uit Oostwold
Organist: Geert Schoonbee

Collecte doelen:
1 voor de Kerk
2 voor J.O.P Jeugdwerk
Over te maken op rekening van de diaconie: NL53INGB 0003 4851 49